“Kəndlərdə sahibkarlığın və özünüməşğulluğun inkişafı” layihəsinin “Təmir və təchizat” mərhələsi çərçivəsində İsmayıllıda gələcək sahibkarlıq obyektlərinin təmir prosesi uğurla davam edir. Təmir prosesi mart ayından etibarən başlanılıb.

Təmir nəticəsində 15 sahibkarlıq obyektləri hazırlanacaq və yerli, xarici turistlərinin qonaqlama xidmətini həyata keçirmək üçün sahibkarlara təhvil veriləcək.

Növbəti mərhələdə gələcəyin sahibkarları Dövlət Məşğulluq Agentliyi tərəfindən verilən avadanlıqlar ilə təmin ediləcək.

Qeyd edək ki, layihə Azərbaycan Respublikasının Kiçik və Orta Biznesin İnkişafı Agentliyinin (KOBİA) dəstəyi, Dövlət Məşğulluq Agentliyinin tərəfdaşlığı ilə “Odlar Yurdu” Gənclər İctimai Birliyi tərəfindən həyata keçirilir.